(ФОТО+ВИДЕО) ПОПЛАВАТА УНИШТИ СКОРО ЦЕЛО СЕЛО: Жителите заминаа, нема услови за живот
Поплавите во Босна и Херцеговина(БиХ) „проголтаа“ скоро цело село. Селото Злате кај Јабланица повеќе не се препорачува за живеење.
Армин Ризвиќ од Јабланица на социјалните мрежи сподели видео и фотографии од ова село, објаснувајќи дека е во катастрофална состојба поради што веќе таму нема услови за живот. Вооружените сили на Босна и Херцеговина и на цивилната заштита влегоа во Јабланица каде се очекува да почнат со работа односно отстранување на наносите.
Претходно портпаролката на Сојузната управа за цивилна заштита Мајда Ковач изјави дека од терен најмногу се бараат тешки машини. Телата на 19 загинати се извлечени.
Фото: Фејсбук/Arman Rizwe Rizvić
