ФОТО Ова се членовите на екипажот на авионот што се урна во Вашингтон – Нивните семејства ја потврдија најстрашната вест!
Капетанот Џонатан Кампос (34) и копилотот Сем Лили (28) се меѓу 67-те жртви во авионската несреќа во Вашингтон, јавуваат медиумите.
До несреќата дошло кога авионот на American Airlines со кој управувале се судрил во воздух со воен хеликоптер „Black Hawk“.
Во авионот имало 60 патници и четворица членови на екипажот, додека во хеликоптерот имало три лица.
Официјалните лица објавија дека нема преживеани во несреќата и дека ова е најтешката авионска несреќа во САД од 2001 година.
Авионот кобната ноќ го управувал искусниот пилот Џонатан, додека копилот бил Сем, кој за неколку месеци требало да биде унапреден во капетан.
„Бев толку горд кога Сем стана пилот. Сега сè ме боли толку многу што не можам ниту да плачам ниту да спијам. Знам дека ќе го видам повторно, но срцето ми се кине. Тој одлично се снајде и на работа и во неговиот личен живот“. Требаше да се ожени наесен“, напиша таткото на Сем на Фејсбук.
Тој рече дека бил уништен кога сфатил дека несреќата во Вашингтон се совпаѓа со распоредот на летот на неговиот син.
„Ја повикав неговата свршеница и ѝ ја кажав веста. Тоа беше многу горчливо апче. Го сакаа толку многу луѓе“, рекол неутешниот татко.
Капетанот Кампос го доби сертификатот за инструктор по летање во 2017 година. Роден е во Флорида.
