ФОТО Град Скопје одлучи! Адријана од Маџари и Теа од Козле ги имаат најубавите празнични декорации
Светлината на празниците доаѓа од домовите на скопјани. Град Скопје ги објави победниците на манифестацијата „Украсуваме по скопски“, иницијатива која ја слави креативноста на граѓаните и нивниот придонес во создавањето на празничната магија.
Градоначалникот Орце Ѓорѓиевски истакна дека годинава Скопје блеснало со посебна топлина благодарение на граѓаните кои своите домови ги претвориле во мали светлосни приказни.
По детална евалуација и теренски посети од страна на жири-комисијата, избрани се највпечатливите уредувања:
Манифестацијата го поттикна и литературниот дух кај младите. Во категоријата за најубав расказ на тема „Новогодишни желби и празнувања“, победи Христина Наумов, ученичка во СУГС „Ѓорѓи Димитров“. Таа е наградена со 5.000 денари за својот искрен текст што пренесува празнична надеж.
Тешката задача да се изберат најдобрите ја имаше жири-комисија составена од медиумски професионалци и новинари (Весна Миленковска, Александрија Стевковска Николова, Анела Петрова, Славица Стефановска, Нина Стефанова и Елизабета Дамјановска), кои лично ги посетија пријавените локации.
„Со ‘Украсуваме по скопски’, Скопје уште еднаш покажа дека најубавите празници се оние што ги создаваме заедно“, порачаа од Градот.
