ФОТО: Двегодишен лабрадор се излечи од зависност од алкохол

Двегодишен лабрадор се излечи од зависност од алкохол. Ова е прв ваков случај во Велика Британија.

Коко била донесена во засолниште за животни во Плимптон заедно со уште едно куче откако нивниот сопственик починал. Ним им беше потребна итна ветеринарна помош бидејќи страдаа од напади.

Официјални лица во спасувачкиот центар велат дека кучињата станале зависни од алкохол бидејќи имале пристап до пијалок оставен од нивните сопственици, објавија медиумите на Островот.

Коко успеа да се опорави откако беше подложен на третман за зависност од алкохол. Нему му давале седативи четири недели за да спречи напади. Меѓутоа, другото куче починало.

„Третирањето куче од зависност од алкохол е нешто со кое се занимаваме за прв пат. Коко е со нас повеќе од еден месец откако пристигна на интензивна нега. Неговата приказна е трагична. Коко беше во критична состојба и бараше 24-часовна нега. Стана јасно дека тој страда од симптоми кои укажуваат на зависност од алкохол“, објави Woodside Animal Rescue Trust на социјалните мрежи.

Од центарот за спасување наведуваат дека животот на кучето сега е надвор од животна опасност. Тој е без лекови и почнува да се однесува нормално.

„Кучето се уште не е подготвено за посвојување, а иако се чини дека физички се опорави, сепак има повремени психички нарушувања“, велат неговите спасувачи и се надеваат дека Коко наскоро ќе биде посвоен.

‘Alcoholic’ Labrador became the first dog being treated for alcohol addiction https://t.co/r9XJEBTcsr pic.twitter.com/HjVfCE79pN

— Daily Mail Online (@MailOnline) April 8, 2023