ФОЛКСВАГЕН ПУКА: Затвораат фабрики – „Никој не е безбеден“
Раководството на Фолксваген сака да затвори најмалку три од десет фабрики во Германија и да ги намали платите на преостанатите вработени за десет отсто, изјави претседателката на работниот совет на оваа компанија Даниела Кавало.
„Сите фабрики на Фолксваген во Германија се засегнати од овие планови. Никој не е безбеден“, рече Кавало во говорот пред вработените, нагласувајќи дека и позициите за кои е потребна минимална квалификација и работните места за кои е потребна универзитетска диплома се загрозени.
Volkswagen вработува околу 120.000 луѓе во Германија, од кои половина во главната фабрика во Волфсбург, пренесува Bild.
На останатите вработени ќе им се намали платата за 10 отсто, нема да им се зголемуваат платите во следните две години, а сегашната месечна стапка од 167 евра ќе се укине.
“Економското опкружување повторно се влоши, нови добавувачи доаѓаат во Европа. Покрај тоа, Германија особено заостанува во однос на конкурентноста. Ние како компанија сега мораме да дејствуваме доследно во оваа средина”, изјави неодамна извршниот директор на Volkswagen, Оливер Блуме.
Во септември, одборот на директори ја прекина гаранцијата за вработување во Фолксваген која постоеше повеќе од 30 години.
