ФИРМИТЕ БАРААТ РАБОТНИЦИ: Над 10.000 слободни работни места има во Македонија

Голем број слободни работни места има во земјава. Тоа го регистрираше и Државниот завод за статистика(ДЗС). 

Државниот завод за статистика објави дека во третиот квартал годинава во државава имало 10,010 слободни работни места, а најголем број односно 1,950 во услужните дејности и продажба. Во групата Државни функционери, раководни државни службеници, дипломати и директори имало 33 слободни работни места, 28  во Воени занимања, 15 во Стручни работници во земјоделството, шумарството, рибарството и ловот.

Во групата Стручњаци и научници се регистрирани 1,909 слободни работни места, а следни се Елементарни занимања, 1,781, Занимања за неиндустриски начин на работа во производството, 1313, Ракувачи и составувачи на машини и постројки, 1,114, Техничари и сродни занимања, 1,001.

Највисока стапка на слободни работни места од 3,44 проценти има секторот Објекти за сместување и сервисни дејности со храна, додека најмала е стапката во секторот Јавна управа и одбрана; задолжително социјално осигурување, во кој изнесува 0,11  проценти.