„Фич“: Македонија со стабилен рејтинг и раст од 3,5%, но „мешаниот напредок“ кон ЕУ ги кочи парите
Реномираната агенција за кредитен рејтинг „Фич“ (Fitch Ratings) го потврди рејтингот на Северна Македонија на ниво „BB+“ со стабилен изглед. Агенцијата нотира дека земјата останува посветена на евроинтеграциите, но предупредува дека „мешаниот напредок“ во структурните реформи носи ризик од доцнење во исплатата на европските фондови.
Во најновиот извештај објавен вчера (17 декември 2025), „Фич“ оценува дека нерамномерниот напредок не значи дека властите се откажале од ЕУ, туку дека доцнењата се главно резултат на административни и технички ограничувања, а во одредени случаи и на домашни политички пречки, како што е формалното признавање на статусот на бугарското малцинство.
Еден од најзагрижувачките податоци во извештајот е неможноста на државата да ги апсорбира достапните средства.
Во однос на Планот за раст, на земјата и се доделени 750,4 милиони евра. Заклучно со декември 2025 година, Македонија има примено 76,4 милиони евра (што е 71% од побараните средства во таа транша), а следното барање ќе го поднесе во јануари 2026 година.
И покрај неизвесноста околу европските пари, економските изгледи се оценети како стабилни.
Сепак, Агенцијата нотира доцнење во клучни закони:
Како позитивни чекори се издвоени формирањето на Фискалниот совет и влезот во Единствената област за плаќања во евра (SEPA) во март 2025 година. ЕУ, исто така, препознала напредок во владеењето на правото, судските реформи и независноста на централната банка.
„Фич“ заклучува дека навременото отклучување на фондовите на ЕУ е клучно за поттикнување на инвестициите и проширување на приходната база, со цел да се намали буџетскиот дефицит под 3% од БДП до 2029 година.
