Фернандеш: Зошто да не играме на секој натпревар како денес?

Во Манчестер јунајтед имаат и за што да жалат затоа што Хари Мегваер во последните моменти од средбата од идеална позиција не успеа да ја погоди мрежата и шутираше над голот.

Ваквата игра против тимот кој е лидер и игра во најдобра форма во Премиер лигата може да биде пресвртница во сезоната за Манчестер јунајтед, а така смета и капитенот на тимот, Бруно Фернандеш.

„Позицијата на табелата не може да лаже, таа покажува како играте. Ние загубивме премногу бодови, а денеска можевме и да победиме. Со оглед на ситуацијата резултатот е за нас добар, но сум разочаран затоа што знам дека можевме и повеќе. Кога игравме вака на „Енфилд“ против ваков Ливерпул, зошто да не играме на овој начин во секој натпревар. Секој треба да започне од самиот себе, вклучувајќи ме и мене како капитен, мораме да покажуваме храброст како денес“, изјави Бруно.