ФАКТОР НА ДЕНОТ: Министерката за финансии во Будимпешта потпиша договор за задолжување во износ од 500 милиони евра
МАКЕДОНИЈА СЕ ЗАДОЛЖИ ОД УНГАРИЈА, ДОГОВОРОТ Е ПОТПИШАН
Mинистерката за финансии, Гордана Димитриеска-Кочоска вели дека денеска во Будимпешта е потпишан Договорот за заем од 500 милиони евра со унгарската Експорт-импорт банка, обезбедена е ликвидност на Буџетот, но и поддршка на општините и компаниите.
„Со потпишување на Договорот денеска обезбедуваме 500 милиони евра за буџетска поддршка, за поддршка на локалниот развој преку проекти во општините, како и за поддршка на економијата. Тоа беше повеќе од потребно за нашата економија, која во првиот квартал имаше многу слаба економска активност и бараше мерки кои ќе направат раздвижување и забрзување на економската активност. Исто така, и реализацијата на проектите во општините претставуваа неопходност затоа што и тие ќе имаат позитивно влијание врз економската активност, а дополнително со нив ќе решиме и горливи проблеми на граѓаните“, рече министерката.
СЕ РАБОТИ НА НОВИ РЕШЕНИЈА СО БУГАРИЈА
Министерот за европски прашања Орхан Муртезани денеска порача дека Владата е во фаза на интерни разговори за изнаоѓање нови решенија во врска со евроинтеграциите на земјава и надминување на спорот со Бугарија.
Во потенцијалните решенија, според кажувањата на Муртезани, нема да бидат исклучени уставните измени, туку во фокус ќе бидат барања со кои земјава ќе се осигури дека процесот нема да биде предмет на дополнителни блокади.
ДСЗИ ОБЈАВИ ИЗВЕШТАЈ ЗА ПОЧИНАТОТО БЕБЕ
Државниот санитарен и здравствен инспекторат(ДСЗИ) попладнево излезе со информација за спроведениот вонреден инспекциски надзор на Клиниката за детски болести, Клиниката за респираторни заболувања кај децата „Козле“ и приватната здравствена установа Ехолаб – ординација по општа медицина, во врска со третманот и лекувањето на починатото 14-месечно бебе од Скопје.
Во извештајот се посочува дека детето е однесено кај матичниот лекар на 30 септември со симптоми на повраќање при што е утврдено дека нема температура, а грлото му било лесно зацрвенето и аускултаторно без наод на белите дробови.
ИЗБРАНИ ПОРТПАРОЛИ ВО ВЛАДАТА
Во Владата денеска се одржа 25-та владина седница на која се избрани портпаролите на Владата на Република Северна Македонија.
За портпарол на Владата е избрана Марија Митева. М-р Марија Митева по професија е дипломиран правник на Универзитетот Св. Кирил и Методиј – правен факултет Јустинијан I, со магистратура по деловно право и положен правосуден испит.
ТРАГЕДИЈА ВО ТЕТОВСКО
Од полицијата велат дека за инцидентот во селото Слатино, сопругот ќе биде испитуван за смртта на жената и нивната ќерка, а повреден е и малолетниот син.
Попладнево во тетовското село се пронајдени две безживотни тела на мајка и нејзината ќерка.
ЧИТАЈТЕ УШТЕ
Владата распиша огласи за пријавување кандидати кои би раководеле со две многу битни институции во државата. Станува збор за институции надлежни за полнење на државната каса, и институции кои ги спроведуваат даночните регулативи, но и се грижат за увозот и извозот од нашата земја. Веќе е јасно дека станува збор за Управата за јавни приходи, како и за Царинската управа.
Како и досега во континутитет имаме кусок во трговската размена со светот. И тоа не е толку страшно особено затоа што увозот пораснал, но само на ниво од статистичка грешка.
Гркот Анастасиос Каранастасис од Кожани, релативно непознат во бизнис круговите, презеде доминантна контрола над МИК Свети Николе, втората најголема индустрија за преработка на месни производи по „Пекабеско“.
Поранешниот директор на една од трите најголеми банки во земјава, НЛБ Банка, Антонио Аргир, кој пак, од пред нецели три години живее и работи во Љубљана, како член на Управниот одбор на НЛБ Групацијата во Љубљана, деновиве добива дополнителна функција во рамките на групацијата, како претседател на Бордот на директори на НЛБ Банка Приштина.
