Ф-35 ловец-бомбардер во американската армија
Знамињата на САД и Македонија, војници од двете армии, дел од опремата и симболите на Вермонт се наоѓаат на подарокот кој го доби македонската делегација одбележувајќи 30 години партнерство со Националната гарда на сојузната држава Вермонт.
„Пред неколку децении се боревме со внатрешна криза. Денес сме земја членка на НАТО. До пред неколку години баравме итна помош, денеска Северна Македонија не е веќе дел од проблемите, туку од решенијата. Во текот на ова партнерство, градиме сопствени национални капацитети. Ги подобруваме процедурите. Ја модернизираме нашата армија, но најважното е што изградивме толку силно партнерство“, порача Славјанка Петровска.
„Денес се соочуваме со една нова реалност во Европа. Неиспровоцирани од офанзивните операции во Украина ставија многу средства од овој дел на светот во првите редови“, вели Васко Ѓурчиновски.
Од 1993 година, покрај Сенегал и Австрија, Националната гарда на Вермонт е во партнерство и со Македонија. Во досието запишани се над 350 заеднички воени активности, но најважните се воената помош и обуката на македонската армија за исполнување на стандардите за НАТО Алијансата.
„Заедно сме 30 години. Искрено да ви кажам дека нашето партнерство со РСМ е највлијателниот аспект од моите речиси 40 години поминати во војската. И тоа искуство не е ограничено само на високи лидери како генералот Ѓурчиновски туку и војници, полиција…Кога ја посетувам С. Македонија јас не си легнувам во 21 часот, туку уживам во културата“, додаде Георги Најт.
Воздушната национална гарда на Вермонт во 2019 година е првата која добива два авионите Ф-35. Уште се нарекуваат и ловец од петтата генерација, поради пакетот сензори од било кој правец. Денес ги има 20. Користат аеродинамични перформанси и напредни интегрирани системи, со што ја намалуваат ранливоста на Соединетите држави.
Иако само шест години се во употреба, веќе учествувале во најмалку шест борбени операции. Ф-35 е невидлив повеќенаменски ловец-бомбардер за сите временски услови. Дизајниран да врши копнени напади, воздушно извидување и мисии за противвоздушна одбрана. Единечната цена е над 80 милиони долари.
„Ова е Ф-35 во Воздушната национална гарда на Вермонт. Тоа е дом на 158-то борбено крило. Станала фередарлно призната пред речиси 1 век, воздушната национална гарда на Вермонт летала на повеќе од осум различни мисии на авиони, вклучувајќи бомбардери и ловци“, изјави репортерот на ТВ21.
