„ЕВТИНАТА ДНЕВНА ТАРИФА НА СТРУЈАТА ОСТАНУВА, НИЕ ПОДДРЖУВАМЕ СЀ ШТО Е ДОБРО ЗА ГРАЃАНИТЕ“ – министрката за енергетика за Бизнис муабети на Фактор
Многу пати помислила, односно се запрашала себе си, штго ли и требало да ја прифати функцијата министерка за енергетика во земјава. Сепак, не сметала за себе дека е едно од „најзборуваните“ имиња во македонската јавност, бидејќи, како што вели, поради бројните министерски обврски, ретко има време да вклучи телевизор во својот дом.
Откако 26 години живееше и работеше во странство, во март годинава се врати во Македонија, влегувајќи во еден од најтешките и најпредизвикувачките сектори во земјава, енергетиката.
„Имам чешки и македонски пасош. Во еден период од животот, како и многу Македонци, од економсмки причини имав и бугарски пасош, но јас сум една од ретките наши граѓани која се откажала од тој пасош, сум го вратила државјаноството, и немам повеќе валидна исправа, ниту бугарски пасош, ниту лична карта. Но, никој не се занимава со тоа што имам чешки пасош“, вели меѓу другото Божиносвка, во поткастот Бизнис муабети, кој денеска ексклузивно го емитуваме на Фактор.
Едно од прашањата на водителот Мишко Иванов беше дали новата власт ќе ја укине евтината дневна тарифа на струјата.
„Се што е добро за граѓаните, ние го поддржуваме. Тоа го покажавме и пред да бидеме Влада со тоа што дадовме иницијатива со која не се зголеми цената на електричната енергија, односно се зголеми само минорно. Така што, евтината дневна тарифа на струката, немаме никакви планови да ја укинеме, и не сме ни дискутирале на таа тема“, вели Божиновска.
За оваа и за многу други теми од делот на приватниот живот, имотот, за проблемите во енергетскиот сектор, но и за бројните неправилности направени во текот на работењето на претходната власт, гледајте ја ексклузивно Божиновска во поткастот Бизнис муабети на порталот Фактор, прво интервју направено како министерка за енергетика во земјава.
