Европски фронт поднесе интерпелација за претседателот на Уставниот суд

Пратеничката група на Европскиот фронт поднесе интерпелација до претседателот на Собранието, Африм Гаши, за работата на претседателот на Уставниот суд, Дарко Костадиновски.

Пратеникот Илир Хасани образложи дека интерпелацијата е поднесена врз основа на член 72 од Уставот, поради, како што рече, прекршување на Законот за употреба на јазиците и членот 101 од Законот за Уставниот суд.

Хасани посочи дека изјавите на Костадиновски во медиумите покажуваат предрасуди кон албанскиот јазик и излегуваат надвор од неговите надлежности, што, според него, отвора сомнежи за непристрасност.

Тој нагласи дека интерпелацијата не е со цел разрешување, туку покренување институционална дебата и одговорност, особено пред седницата на Уставниот суд за Законот за јазиците.