Европската унија воведува царини за руското жито, цената ќе скокне најмалку за 50 отсто
Европската унија има намера во наредните денови да воведе царина за увоз на жито од Русија и Белорусија од 95 евра за тон, објави Фајненшл тајмс, повикувајќи се на сопствени извори.
„Европската унија се подготвува да воведе царини за увоз на жито од Русија и Белорусија со цел да ги увери земјоделците и некои земји-членки“, пишува весникот.
Според изворите на весникот, ваквиот чекор ќе доведе до зголемување на цените за најмалку 50 проценти. Како што е наведено, ќе се воведат царини за маслодајните семиња и нивните производи.
The #EuropeanUnion is preparing to levy tariffs on grain imports from #Russia and Belarus to placate farmers and some member states, the Financial Times reports citing people familiar with the plans.https://t.co/NiJGfePb4L
— Al Arabiya English (@AlArabiya_Eng) March 19, 2024
Во Европа, протестите на фармерите траат веќе неколку години – првиот се случи во 2019 година во Холандија во позадина на построги зелени регулативи. Во 2023 година протестите веќе се проширија и во други земји, а до крајот на годината опфатија 12 земји.
Покрај „зелената“ агенда, земјоделците протестираат поради ниските цени на нивните производи поради увозот на украински стоки, скапите ѓубрива и горивото и недоволното буџетско финансирање.
Фото: Принтскрин/Твитер
