ЦУК и соработката со медиумите при кризи – дел од дводневната обука „Улогата на медиумите за време на еколошки кризи?“
Улогата на Центарот за управување со кризи, на раното предупредување и тревожење, на Европскиот телефонски број за итни случаи 112 во ЦУК, на меѓуресорската, меѓународната соработка, координацијата при управување со кризи, а и улога на соработката на ЦУК со медиумите при кризи беа дел од презентациите и дискусиите при дводневната обука „Улогата на медиумите за време на еколошки кризи?“, што во Виница ја реализираше Самостојниот синдикат на новинари и медиумски работници (ССНМ) за претставници од повеќе новинарски куќи во земјава. Инаку, за овој дел од обуката, со свои презентации, дискусии и одговор на прашања зедоа учество државниот советник Драги Тарчуговски и м-р Илија Бојаровски од ЦУК.
Дводневната обука, наменета за новинари и медиумски работници, беше модерирана од Фросина Пандурска – Драмиќанин од здружението „Македонско еколошко друштво“. Предавачи на обуката беа, професорот д-р Тони Милевски, од Универзитетот „Св. Кирил и Методиј“, Филозофски факултет – Институт за безбедност, одбрана и мир, Александра Ристовски од Црвен крст на град Скопје
Претставникот од ССНМ, м-р Перо Момировски, информираше дека обуката е реализирана во соработка со Институтот РЕСИС, а во рамките на проектот „Работнички права за независно новинарство“, поддржан од ЕУ и проектот „Обучување на медиумските работници во Македонија за покривање на климатските промени и теми од животната околина“, поддржан од „Журнализам фунд“ (JournalismFund).
