Еве какво време не очекува во наредните две недели
Во наредните 14 дена се очекува променливо време со честа облачност, повремени врнежи од дожд и постепен пораст на температурите, покажува временската прогноза.
Периодот започнува со посвежо и нестабилно време. Во првите денови, особено на 1 и 2 февруари, ќе преовладува облачно време со повремени врнежи од дожд, а минималните температури ќе се движат околу 3 степени, додека дневните ќе достигнуваат до 7 степени Целзиусови.
Во вторник, на 3 февруари, се најавува стабилизација со повеќе сончеви периоди и без врнежи, при што утринската температура ќе се спушти до 0 степени, а дневната ќе достигне околу 9 степени. Од среда следува постепено затоплување. Температурите ќе растат, а максималните вредности во текот на неделата ќе се искачат до 12 степени, со повремени врнежи и умерена облачност.
Кон крајот на првата седмица и за време на викендот, температурите ќе бидат значително повисоки за овој период од годината, со дневни максимуми кои локално ќе достигнат и до 16 степени Целзиусови, додека ноќните температури ќе се движат од 4 до 7 степени. Времето ќе биде претежно облачно, со услови за слаб дожд.
Во втората недела од прогнозниот период се задржува релативно топло време. Минималните температури ќе се движат меѓу 5 и 9 степени, а дневните ќе бидат во интервал од 9 до 14 степени. Облачноста ќе биде променлива, а на повеќе места ќе има повремени врнежи од дожд.
Генерално, наредните 14 дена ќе минат во знакот на благи температури за февруари, без најави за поизразен студ или снег, но со чести врнежи и променливо време, што бара зголемено внимание во сообраќајот и при секојдневните активности.
