Ескобар: Тензиите на северот на Косово делумно се резултат на неподготвеноста на Приштина да ја слуша меѓународната заедница
Ескалацијата на северот на Косово делумно е резултат на неподготвеноста на официјална Приштина да ја слуша меѓународната заедница, изјави за Би-Би-Си американскиот пратеник за Западен Балкан Габриел Ескобар, пренесува РСЕ.
Тој додаде дека порастот на тензиите на северот можел да се избегне.
„Оваа ескалација делумно е резултат на неподготвеноста на косовската страна да ја сослуша меѓународната заедница. Тоа предизвика тензии, непотребно, со инсистирањето на користење на општинските згради. Има и други згради од кои можеме да работиме и ако ништо друго , пандемијата на коронавирус не научи дека можеме да работиме и од алтернативни локации“, рече тој.
Ескобар рече дека напорите на меѓународната заедница да се координира со косовската влада наиде на отпор.
Немаше потреба да се оди во тие згради. Тие немаат вистинска вредност. Курти не увери дека тие градоначалници ќе вршат само основни општински задачи“, објасни Ескобар.
Ескобар повтори дека циклусот на насилство мора да се прекине и дека двете страни, Косово и Србија, имаат одговорност да дејствуваат во таа насока.
Многу членови на меѓународната заедница ја гледаат оваа ситуација како конфронтација меѓу Косово и Србија. Но, мораме да запомниме дека и овде има неуспех да се постигне етничко помирување во Косово. Ги охрабривме двете страни да се вклучат во дијалог“, рече тој.
