Ердоган призна дека имаат проблеми, од граѓаните бара да не ги слушаат провокаторите

По два дена, турскиот претседател Реџеп Таип Ердоган го посети подрачјето кое го погоди силен земјотрес и каде починаа илјадници луѓе. 

Призна дека првичниот одговор не бил на соодветно ниво и соопшти дека бројот на загинати изнесува 8,574. Заедно со Сирија, бројот на настрадани е над 11.000. Ердоган кажа дека имало проблеми со патиштата и аеродромите, но дека сега е подобро.  Владата ќе изгради сместувачки капацитети во рок од една година за оние кои останале без дом во 10 погодени покраини. Потресот ја оштети инфраструктурата и урна повеќе од 6.400 згради во Турција.

„Имавме некои проблеми на аеродромите и патиштата, но денес сме подобри. Ќе бидеме подобри утре и секој следен ден. Сè уште имаме некои проблеми со горивото… Но, и нив ќе ги надминеме“, кажа Ердоган.

Претседателот кажа дека граѓаните треба да ги слушаат само пораките на властите и да ги игнорираат провокаторите. Погодени околу 13,5 милиони луѓе во областа која се протега на околу 450 километри од Адана на запад до Дијарбакир на исток.

Земјотрес со јачина од 5,2 степени според Рихтеровата скала денеска ја погоди централна Турција, објави Европско-медитеранскиот сеизмолошки центар. Земјотресот бил со епицентар на 61 километар од турскиот град Адијаман се случи во 11:11 часот по средноевропско време. Десет минути подоцна следеше послаб земјотрес со јачина од 4,7 степени со епицентар на 38 километри североисточно од Караманмарас.

foto EPA