ХОРОР ВО ФРАНЦИЈА Пожарникарите пронашле тело на БЕБЕ во торба откако го изгаснале пожарот
Тело на бебе во торба било пронајдено вчера во зграда која била зафатена од пожар во Кеноа, Франција.
Пожарникарите околу 11 часот добиле повик дека во зградата има експлозија и пожар и со часови се бореле со огнот. Кога конечно го изгаснале пожарот околу 17 часот и влегле во зградата да ги проверат сите соби, пронашле торба со безживотно тело на бебе во неа.
Станува збор за зграда со четири стана, меѓу кои и еден изнајмен преку Airbnb, во кој наводно никој не престојувал во моментот на пожарот.
Никој од жителите не знае чие бебе е пронајдено. Тие наведуваат дека во еден од становите живеела самохрана мајка со дете и додаваат дека не виделе дека некој од соседите е во друга состојба, ниту пак виделе жена со бебе.
Исто така, не е јасно во кој стан е пронајдена чантата.
Форензичарите веднаш излегле на местото на настанот, но вечерта морале да ја напуштат зградата поради страв дека ќе се урне покривот . Засега полицијата се уште нема одговор чие е детето и истрагата продолжува.
