Екстремно жешко на Филипините, температурите скокнаа на 47 степени

На Филипините тлеат екстремни горештини, поради што илјадници училишта ја откажаа наставата, а властите ги предупредуваат граѓаните што помалку да останат надвор.

Март, април и мај вообичаено се најтоплите и најсушните месеци на Филипините, но условите годинава беа влошени поради временскиот феномен Ел Нињо.

„Толку е жешко што не можете да дишете“, вели Ерлин Тумарон, 60-годишен кој работи во приморско одморалиште во провинцијата Кавит, јужно од Манила, каде што температурата во вторникот беше 47 степени.

Министерството за образование, кое управува со повеќе од 47.600 училишта во земјата, соопшти дека речиси 6.700 училишта ја прекинале наставата.

Според метеорологот Ана Солис, постои 50 проценти веројатност горештините да бидат уште полоши во наредните денови.

„Мораме да го ограничиме времето што го поминуваме надвор, да пиеме многу вода, да носиме чадори и капи“, изјави Солис за АФП, наведувајќи го Ел Нињо како причина за „екстремната топлина“ што зафати делови од земјата. Сушата е официјално прогласена во околу половина од провинциите во земјата.