Екстремни групи го чекаат исходот од Охрид, се спремаат насилни протести во Србија
Групи во Србија го чекаат исходот од она што ќе се случува денеска во Охрид на средбата меѓу српскиот претседател Александар Вучиќ и косовскиот премиер Албин Курти, а потоа планираат демонстрации во Србија.
Екстремисти од неколку ултрадесничарски и проруски организации во Србија планираат насилни демонстрации, јави дописникот на МИА од Белград.
Според неименувани извори на „Блиц“, екстремистички групи го чекаат исходот од охридската средба и се надеваат на „потпишување на нешто“, односно парафирање на некаков обврзувачки договор меѓу Белград и Приштина, што би го сфатиле како доказ за наводното „предавство“ на Косово и причина за улични протести со насилство.
Синоќа илјадници припадници на српски десничарски партии и движења се собраа на протест пред Храмот „Св. Сава“ во Белград, од каде се упатија кон Кабиентот на претседателот Алексадар Вучиќ. Протестот насловен „Србија памети, брани, не дава“, го организираа движењето Двери, Нова ДСС, ПОКС и Заветници. Европскиот план што го прифатија Косово и Србија на состанокот на 27 февруари во Брисел, а за чија имплементација разговараат Албин Курти и Александар Вучиќ во Охрид, има за цел страните да ги почитуваат меѓусебните суверени права, независноста, автономијата, суверенитетот, територијалниот интегритет, правото на самоопределување и заштита на човековите права и недискриминација. Планот предвидува признавање на релевантни симболи и документи со што би се овозможил слободен проток на луѓе и стоки.
Косовскиот премиер Албин Курти е оптимист. На иста линија е и претседателот на ДУИ, Али Ахмети.
