ЕГЗОДУС НА ИНТЕЛИГЕНЦИЈАТА: Украина е прва во Европа по „одлив на мозоци“ – Македонија и Балканот веднаш зад неа
Војната си го прави своето, но и економските услови. Украина се искачи на неславното прво место во Европа според стапката на „одлив на мозоци“ (brain drain), покажуваат најновите податоци на индексот „The Global Economy“ за 2024 година.
Масовното иселување на висококвалификувани професионалци во потрага по подобри услови за работа и живот ја смести Украина на седмото место во светот според овој загрижувачки показател.
Со висок индекс од 8,4 (на скала до 10), Украина е во друштво на земји кои се соочуваат со длабоки кризи. Пред неа на глобалната листа се само шест држави:
Додека Украина е лидер во Европа поради воената агресија, остатокот од листата открива дека Балканот има сериозен структурен проблем, дури и во мирнодопски услови. Веднаш зад Украина, на листата се наоѓаат: Албанија, Молдавија, Босна и Херцеговина, Северна Македонија, Србија, Хрватска и Романија.
На спротивната страна на спектарот, развиените земји успеваат да го задржат својот потенцијал. Најмал одлив на мозоци во 2024 година е регистриран во:
И покрај тоа што го губи човечкиот капитал, Украина бележи технолошки успех. Земјата успеа да се искачи за 14 позиции на глобалната ранг-листа за развој на вештачка интелигенција (AI), позиционирајќи се на 40-то место од вкупно 195 земји.
