ЕЕС системот влегува во нова фаза – се очекува повеќе метеж!
Новиот систем за влез и излез на Европската Унија (ЕЕС), кој вклучува земање биометриски податоци, предизвика сериозни застои и незадоволство кај патниците на аеродромите низ Шенген зоната. Иако Европската комисија тврди дека процесот тече без проблеми, реалноста на теренот покажува драстично зголемување на времето за проверка.
Зголемени контроли и долги редици
Од денеска, имплементацијата на системот влегува во нова фаза која предвидува задолжителна електронска регистрација на најмалку 35 проценти од патниците кои доаѓаат од земји надвор од ЕУ. Ова вклучува фотографирање и земање отпечатоци од прсти при првото минување на границата. Генералниот директор на „АЦИ Европа“, Оливие Јанковец, предупредува дека граничните проверки сега траат и до 70 проценти подолго, а во периоди на метеж патниците чекаат и по три часа.
Критични точки низ Европа
Европската комисија оптимист, аеродромите загрижени
Додека од Брисел смируваат дека системот ефикасно ги решава почетните предизвици и нуди подобра безбедност, аеродромските оператори стравуваат од уште поголем хаос. Целосната имплементација на ЕЕС системот треба да заврши на 10 април 2026 година, кога електронските записи целосно ќе ги заменат печатите во пасошите на сите гранични премини.
