ЕДП на Хоџа се спојува со ДУИ на Ахмети
Демократската унија за интеграција (ДУИ) и Европската демократска партија (ЕДП) отсега ќе функционираат како еден политички субјект. Ова е исходот од денешната официјална средба помеѓу претседателите на двете партии, Али Ахмети и Аријанит Хоџа.
Според заедничкото соопштение, одлуката доаѓа по јавниот повик на ДУИ за обединување на албанските политички партии кои споделуваат иста визија за „достоинствена застапеност и европска иднина“ на Албанците во Македонија.
Лидерите Ахмети и Хоџа изразија уверување дека овој чекор ќе послужи како модел за политичка одговорност и единство, ставајќи го во фокус граѓанскиот интерес и европската перспектива на државата.
