Едногласно „ДА“ за Буџетот на Скопје: 5,2 милијарди денари за 2026 – рекордни субвенции за ЈСП и нов Лунапарк до 2027

Ретка слика во градскиот совет – власта и опозицијата без ниту еден глас „против“ го изгласаа Буџетот на Град Скопје за 2026 година. Градоначалникот Орце Ѓорѓиевски најави дека ова е буџет на „финансиска консолидација“ и засилен инвестициски циклус, тежок вкупно 5,2 милијарди денари.

Основниот буџет изнесува точно 5.201.600.000 денари, што е зголемување за 12,04% во однос на годинава. Според Ѓорѓиевски, растот се должи на драстично подобрената наплата во последниот месец и пол, но и на „отоплувањето“ на односите со централната власт.

Дури 34,4% од буџетот (1,78 милијарди денари) се наменети за капитални инвестиции. Еве ги клучните проекти:

Фокусот е ставен на завршување на заглавените проекти и отворање нови булевари:

За да се спречи колапс на јавниот превоз, предвидени се рекордни 920 милиони денари субвенции за ЈСП „Скопје“. Средства ќе добијат и „Комунална хигиена“ (нови камиони и контејнери), „Паркови и зеленило“, „Дрисла“, „Лајка“ и „Улици и патишта“.

Еден од најдолго очекуваните проекти, градскиот Лунапарк, добива финансиска инекција, а Ѓорѓиевски постави и нов рок за финализација – 2027 година.

Буџетот за образование е зголемен за 7,5%. Новитет е што за првпат Град Скопје ќе обезбеди бесплатни униформи за сите ученици од прва година средно образование. Дополнително, 68 милиони денари вишок од блок-дотациите ќе се пренаменат за изградба на ново училиште.