Една година реформаторска Влада во Македонија, Андоновски: Една година визија, посветеност и резултати!
Денес се одбележува една година од формирањето на Владата на Република Македонија. Министерот за дигитална трансформација, Стефан Андоновски, истакна дека тоа беше период исполнет со предизвици, посветеност и значајни резултати во процесот на дигитална трансформација.
„Ова беше година на предизвици. Почнавме од минус – од хаос. Наследивме институции во кои граѓаните ја беа изгубиле довербата, општество на колена. Но, не се откажавме. Секој ден работевме макотрпно, чесно и посветено. Во дигиталната трансформација, поставивме темели на СМАРТ Македонија. Воведовме нови 120 дигитални услуги, донесовме суштински реформи во сајбер безбедноста и отворивме ново поглавје за поврзана, ефикасна и транспарентна администрација“, напиша Андоновски.
Тој им се заблагодари на граѓаните за довербата и потенцираше дека Владата е посветена да продолжи со градење на држава со ред, вредности и хуманост.
„Времето на Македонија доаѓа. Време кога државата ќе биде земја на можности, просперитет и достоинство“, заклучи Андоновски.
Со оваа порака, министерот потенцираше дека напорите и малите победи во текот на годината се важни чекори кон подобра иднина за земјата и граѓаните.
