Еден од камионите со помош во Газа доставил ковчези
Еден од камионите со хуманитарна помош во Појасот Газа достави ковчези, пишува Индипендент. Вкупно 34 камиони со помош веќе влегоа во палестинската енклава преку граничниот премин Рафах.
Бројот на загинати во Газа достигна 5.087, а повредените се околу 14.000 од почетокот на конфликтот меѓу Израел и Хамас, кој избувна на 7 октомври. Меѓу убиените има 2.055 деца и повеќе од 976 жени, објави Ројтерс, повикувајќи се на палестинското Министерство за здравство.
14 камиони со помош синоќа од Египет влегле во Газа. Ова е втор хуманитарен конвој дозволен во енклавата преку граничниот премин Рафах. Првата колона од 20 камиони со многу потребни материјали пристигна таму во саботата.
Потсетуваме дека повеќе од 200 камиони со околу 3.000 тони основни производи беа поставени во близина на контролниот пункт Рафах со денови, подготвени да се упатат кон Газа.
„Конвојот со хуманитарна помош носи лекови, медицински материјали и ограничено количество резерви на храна, како и ковчези“, соопшти канцеларијата за медиуми на Хамас, цитирана од „Фронтиер пост“.
Координаторот за вонредни ситуации на ОН Мартин Грифитс ја поздрави испораката, велејќи дека тоа е резултат на „дневни длабински и интензивни преговори со сите засегнати страни за да се осигура дека операцијата за обезбедување помош за Газа ќе продолжи што е можно поскоро и под соодветни услови“. .
„Уверен сум дека оваа испорака ќе биде почеток на постојаните напори за обезбедување на основните резерви – како што се храна, вода, лекови и гориво – за луѓето во Газа. Се надеваме дека ова ќе биде направено на безбеден, сигурен, безусловен и без бариери начин“, додаде тој.
