ЌЕ СИ ГИ БАРАМЕ ПРАВАТА НА СУД: „Иван Михаилов“ нема да го менува името
Културниот центар „Иван Михаилов“ нема да го смени името“, изјави претседателот на Културниот центар, Љупчо Георгиевски во програмата „Брисел 1“ на БугаријаОнАир, по повод истекот на рокот за промена на имињата на здруженијата чии имиња се сметаат за контроверзни.
Во ноември 2022 година, парламентот на земјава донесе легислатива со ретроактивно дејство, според која веќе законски регистрираните здруженија и клубови може да се избришат од Централниот регистар поради нивните имиња.
„Правата ќе си ги бараме на суд ако нè избришат од Централниот регистар, а ако судот во РСМ не ни ги даде правата, ќе ги бараме во Европскиот суд за човекови права во Стразбур“, рече Георгиевски.
По повод средбата со министерот за надворешни работи Бујар Османи оваа недела, Георгиевски изјави дека оваа прва средба е само еден чекор напред.
„Во разговорот со него изјавивме дека ние не сме надворешен проблем на РСМ, ние воопшто не сме проблем, туку сме решението за Република Северна Македонија на нејзиниот пат кон Европската Унија. Властите не разговарале со нас досега. Подготвени сме да разговараме со секој што сака разговор со нас и очекуваме да не внесат во Уставот. РСМ мора да го почитува францускиот предлог на кој се согласи и потпишаниот Договор со Бугарија“, рече Георгиевски. .
