Две ракети беа истрелани од јужен Либан кон Израел

Две ракети се истрелани денеска од јужен Либан кон спорната граница со Израел, изјавија за Ројтерс два безбедносни извори.

Првиот проектил беше успешно пресретнат од системот за противракетна одбрана, соопшти израелската армија. Жителите на јужен Либан известија дека некое време се слушало силен татнеж од експлозии. Набргу потоа, јужните делови на Либан беа подложени на артилериски оган. Во моментов нема извештаи за штети.

Нападите се случија во време на затегнати односи по израелските операции против комплексот на џамијата Ал Акса во Ерусалим оваа недела.

Сè уште нема коментар од либанската армија или од привремените сили на ОН во Либан.

Според три безбедносни извори, цитирани од Ројтерс, ракетниот истрел бил дело на палестински групи со седиште во Либан, а не на либанското движење Хезболах, поддржано од Иран.