Дуро комбинираше, Брера искористи за трета победа – Врдољак ја нокаутира Струга

Марио Врдољак, хрватскиот интернационалец и капитен на тимот, еден од најискусните во Брера ги нокаутира стружани на секогаш тешкиот за освојување терен на крајбрежјето, откако небранет од никого, со заспан Мисерловски на голот, го искористи подарокот од корнер по центаршутот на Рибаудо да го даде победничкиот гол.

Тоа што Шпетим Дуро комбинираше и сакаше да го сочува првиот тим за европскиот плејоф, се врати како бумеранг, зашто Струга во првиот дел не одигра ништо, а Ване Крстевски им даде еден гол за водство на Брера, но домаќините требаше да бидат среќни што не губеа и поубедливо.

Таипи спаси чист гол на гол-линија, струмичани имаа уште неколку можности за гол, па на полувреме Бесарт Ибраими и Бесмир Бојку влегоа за да го кренат тимот и брзо најдобриот стрелец погоди за израмнување во 52-та минута, потоа имаше уште три шанси од кои еден чист зицер барем за реми во последните 15-на минути, но младинскиот голман Алчевски го спречи и беше еден од јунаците за големата победа на Брера.

Домаќините во завршницата нападнаа со сите сили, но сѐ што се обидоа, да шутнат завршуваше во блокот на гостите.

За Струга ова е прв сезонски пораз во два меча, зашто еден со Шкендија во минатата недела не го играа поради европскиот настап и тој меч им е закажан за крајот на месецов на 30 јуни. Брера, пак, со третата победа е лидер, а само уште Шкендија има ист број на победи колку одиграни мечеви, два од два.