Драма во Германија: Околу 340 патници евакуирани од воз поради закана од вооружен маж
Германската полиција денеска евакуираше околу 340 патници од воз на пат од Келн кон Берлин, откако вооружен маж им се заканувал на персоналот со нож.
Возот бил запрен и евакуиран во северниот град Гифхорн, откако 44-годишен маж им се заканил на персоналот со нож и долг опасен предмет, а полицијата потоа го уапсила осомничениот, пренесува Индипендент.
Се наведува дека возот бил евакуиран поради можноста внатре сè уште да има опасен предмет, а федералната полиција и двајца ракувачи на кучиња го пребарале возот и набрзо потврдиле дека нема опасност.
Сè уште нема информации за патници кои можеби се повредени во инцидентот, а осомничениот е веќе познат на полицијата.
