ДРАМА НА НЕБОТО НАД ИТАЛИЈА Пилотот морал веднаш да се врати на пистата бидејќи на патникот му се слошило!
На летот на компанијата „Рајанер“ во Италија денеска се случи драма која заврши трагично. Неколку минути по полетувањето од Торино, во авионот загинал 33-годишен патник.
Според информациите од аеродромот, пилотот веднаш го вратил авионот назад, но за жал за несреќниот човек било доцна.
Првично немаше информации за точната причина за смртта.
Авионот бил на пат од Торино кон градот Ламесија Терме во јужна Италија.
Патувал со сопругата
Како што пренесува „Кориере дела сера“, патникот, кој патувал со сопругата, по качувањето се пожалил на мачнина. Потоа изгубил свест.
Според тој извештај, пилотот веднаш го свртел авионот и слетал на истиот аеродром по 36 минути.
Екипажот за итна помош можеше само да потврди дека патникот починал.
Сопругата на несреќниот маж е пренесена во болница.
Според извештаите, двајцата се венчале дури минатата година.
