Драма на летот: Авионот се соочи со „силен колапс“, повредени најмалку 50 патници
Најмалку 50 лица се повредени откако авион на ЛАТАМ ерлајнс доживеа „тешко спуштање“ поради „технички проблем“ на летот од Сиднеј до Окленд, објави во понеделникот Ројтерс, цитирајќи го НЗ Хералд.
Боингот 787-9 Dreamliner на чилеанската авиокомпанија LATAM, на летот LA800, слета навреме на аеродромот во Окленд, на пат за Сантијаго, Чиле.
Портпаролот на компанијата изјави за NZ Herald дека имало „технички проблем“ за време на летот поради што некои членови на екипажот и патниците морале да добијат медицинска помош.
Околу 50 лица се здобиле со лесни до умерено тешки повреди, а едно лице е во тешка состојба.
Според NZ Herald, еден патник рекол дека за време на летот авионот „одеднаш се урнал“, а многу патници удирале со главите во таванот на авионот.
ЛАТАМ не одговори на прашањата за причината и природата на инцидентот.