ДРАМА НА ЦРВЕНО МОРЕ Британски цивилен брод погоден од проектил? Пристигна дојава за ЕКСПЛОЗИЈА
Според извештаите, британски товарен брод бил погоден со проектил додека минувал низ Црвеното Море, соопшти денеска поморската безбедносна компанија Амбри.
„Британски товарен брод под знамето на Бахамите, според извештаите, бил погоден со проектил додека минувал низ Црвеното Море, околу 34,5 километри северозападно од Мока, во Јемен“, соопшти компанијата „Амбри“, пренесе Јуронуз.
Се додава дека екипажот, откако бил погоден товарниот брод, се повлекол во цитаделата на бродот, местото каде што морнарите се најмалку изложени на опасност од напад.
Нападот уследи по извештаите на британската војска за експлозија што ја потресе клучната бродска рута во близина на брегот на Јемен.
Регионот забележа серија напади во последните недели, кои им се припишуваат на јеменските бунтовници, Хутите.