„Доста бевме ние, системот е следен“ – Иницијативата „Кој е следен?“ повикува на протест

Од иницијативата „Кој е следен?“ велат „до недела ќе молчиме. Но, од понеделник, тишината завршува. Од понеделник, се гледаме на улиците – гласни, бескомпромисни и обединети“.

Преку социјалните мрежи иницијативата, која се формираше по прегазувањето на младата Фросина во Скопје и која го оргнизираше масовниот собир за искажување сочувство на загинатите во трагичниот пожар во Кочани, повикува на протест.

Како што пишуваат тие на социјалните мрежи, протестот се организира за да нема заборав и да нема повеќе загубени животи поради небезбедност и неодговорност.

„Доста бевме ние, системот е следен“ велат од иницијативата „Кој е следен?“.