Доналд Трамп за падот на берзата по неговите царини: Понекогаш треба да пиете лекови
„Понекогаш мораш да пиеш лекови. Вака американскиот претседател Доналд Трамп го коментираше колапсот на берзите по царините што ги воведе за многу земји.
„Не сакав ништо да се спушти, но понекогаш треба да пиете лекови за да поправите нешто“, им рече Трамп на новинарите во претседателскиот авион на враќање од Флорида.
„Бевме толку лошо третирани од другите земји бидејќи имавме глупави лидери кои дозволија тоа да се случи“, се бранеше американскиот претседател.
Трамп не даде никакви индикации за каква било намера да се повлече од неговите планови за високи царини.
„Не можам да ви кажам што ќе биде со пазарите. Но нашата земја е многу посилна“, појасни тој.
Тој рече дека нема да се занимава со Пекинг доколку не се реши трговскиот дефицит на САД со Кина.
Американскиот претседател додаде дека разговарал со европските и азиските лидери за царините. „Тие умираат да склучат договор“, објави претседателот.
Во неделата, американскиот министер за финансии Скот Бесант изјави за NBC дека повеќе од 50 земји се обратиле до Белата куќа откако Трамп ги објави тарифите за да побараат отворање трговски разговори.
Во неделата, американскиот министер за финансии Скот Бесант изјави за NBC дека повеќе од 50 земји се обратиле до Белата куќа откако Трамп ги објави тарифите за да побараат отворање трговски разговори.
