ДОЛАРОТ ЗАЈАКНА: Сепак стагнира во однос на еврото

Вредноста на доларот зајакна, а има и остро намалување на цените на нафтата. 

Kурсот на доларот во однос на јапонската валута се зголеми од 152,30 на 153,80 јени.

Но, доларот стагнира во однос на еврото и цената  се движи околу 1,0790 долари, како и во петокот навечер.

Цените на нафтата, се намалија и ги загубија сите добивки од минатата седмица, кога пораснаа за повеќе од 3,5 отсто.

Цената на барелот на лондонскиот пазар претпладнево се намали за 4,5 отсто, на 72,60 долари, додека на американскиот пазар барелот поевтини за 4,6 отсто, на 68,45 долари.

Намалувањето на цените се должи на намалувањето на тензиите на Блискиот Исток, со неодамнешниот воздушен напад на Израел врз Иран насочен само кон одредени воени цели наместо врз енергетските објекти, како што стравуваа трговците.