Доцни судењето за Раде Трајковски – Штекли поради неговата хоспитализација
Судењето против Раде Трајковски – Штекли и уште деветмина обвинети за организирана трговија со дрога доцни поради неговата хоспитализација, информираше судијата Илија Трпков.
Трајковски утрово бил пренесен на Клиниката за неврологија поради сериозни здравствени проблеми. Според доставеното известување до судот, тој бил неконтактибилен и дезориентиран при приемот.
Обвинетите се товарат за трговија со кокаин и марихуана на подрачјето на Скопје, како дел од организирана криминална група. Доколку здравствената состојба на Трајковски дозволи, судскиот процес ќе започне по 11 часот.
