Се санира покривот на пливачкиот базен во СЦ „Борис Трајковски“
Во Спортскиот центар „Борис Трајковски“ се одвиваат интензивни градежни активности за санација на покривот на пливачкиот базен, кои се клучни за обезбедување непречено и безбедно користење на објектот.
Од раководството на центарот велат дека навреме реагирале на појави кои укажувале на нарушена безбедност и потенцијален ризик за посетителите. Директорот на СЦ „Борис Трајковски“ посочи дека безбедноста на спортистите и рекреативците е највисок приоритет, поради што секојдневно се врши координација со изведувачите и консултации со стручњаци од Градежниот факултет во Скопје.
„Нашата обврска е да обезбедиме современи и безбедни услови за сите посетители. Благодарни сме за поддршката и разбирањето за време на работите,“ изјави директорот.
Санацијата ќе продолжи се додека не биде целосно решен овој, како што го оценија од центарот, „горлив проблем“.
