Директорот на Агенцијата за туризам си поднесе оставка
Директорот на Агенцијата за промоција и поддршка на туризмот, инаку под надлежност на Министерството за економија, си поднесе оставка.
Ова го објави Љупчо Јаневски, кој долги години беше на чело на оваа државна институција која го промовира и субвенционира туризмот во Македонија.
„Почитувани, Би сакал да Ве известам дека од денеска повеќе не ја извршувам функцијата директор на Агенцијата за промоција и поддршка на туризмот. Сакам да се заблагодарам на туристичкиот сектор, медиумите, партнерите и меѓународните организации за соработката.
Историските резултати што ги постигнавме во изминатите 5 години говорат за нашата работа. Тоа што го затекнав пред 5 години и бројките што ги оставаме денес во некој следен подолг текст. Каква држава ќе изградиме во таква држава ќе живееме. Македонија мора напред!“, напиша Јаневски.
