ДИПЛОМАТСКИ „РЕФРЕШ“: Владата предложи 9 нови амбасадори – ексминистерот Муртезани оди во НАТО
Владата на денешната седница го направи првиот чекор кон пополнување на испразнетите места во дипломатската мрежа, давајќи зелено светло за девет нови амбасадори. Со ова и официјално започнува процедурата за нивно назначување, која сега се сели во Собранието и Кабинетот на Претседателот.
Меѓу најзвучните имиња на листата е поранешниот министер за европски прашања, Орхан Муртезани, кој е предложен за нов македонски амбасадор во седиштето на НАТО во Брисел.
За една од најпрестижните дипломатски дестинации, Лондон, предложена е Илина Мангова. Таа доаѓа од невладиниот сектор и има богата кариера во раководството на Меѓународниот републикански институт (ИРИ).
Покрај Муртезани и Мангова, владиниот филтер го поминаа и следните кандидати:
Согласно законската процедура, кандидатите сега треба да ги претстават своите тези и планови пред Комисијата за надворешна политика во Собранието. Последен чекор е указот од претседателката Гордана Сиљановска-Давкова, која официјално ги испраќа во мисија.
Дополнително, Владата именувала и две лица за позициите во конзулатите во Мелбурн и Солун.
