ДЕНОВИВЕ СИТЕ ПОД ЧАДОР Следува облачно и дождливо време
Времето утре ќе биде облачно со повремени локални врнежи од дожд, најавува Управата за хидрометеоролошки работи.
На повисоките места врнежите ќе бидат од дожд и снег, а на планините од снег.
Ќе има појава на магла по одредени котлини. Ќе дува слаб ветер претежно од северозападен правец.
Најстудено ќе биде во Маврово, каде утринската темпертура ќе се спушти до минус 1, а најтопло ќе биде во Гевгелија со максимална дневна температура до 10 степен Целзиусови.
Во Скопје времето ќе биде облачно и магловито, а попладне со повремен дожд. Ќе дува слаб променлив ветер. Температурата ќе се движи од 1 до 6 степени.
До почетокот на следната седмица следува период на претежно облачно време со локални врнежи од дожд на пониските и дожд и снег на повисоките места.
.
