Демерџиев се сретна со Пендиков, му вети полициска заштита
Министерот за внатрешни работи на Бугарија, Иван Демерџиев, се сретна со секретарот на Бугарскиот клуб во Охрид, Христијан Пендиков, кој беше нападнат во Охрид. Тој се обврзал да го обезбедува Пендиков за да му ја гарантира безбедноста, информираат од бугарското МВР.
Министерот Демерџиев беше дециден дека ќе продолжи будно да го следи случајот со нападот на Пендиков. За време на последните посети на Скопје, вицепремиерот ги праша министерот за внатрешни работи на Северна Македонија, Оливер Спасовски, за сите детали во врска со текот на истрагата.
„Ги дадов сите податоци на интернет адресите од кои се испратени заканите и ќе инсистираме да се преземат мерки“, рече министерот за внатрешни работи на средбата. По пристигнувањето на Пендиков во Софија, тој продолжил да добива закани, кои Демерџиев му ги пренел на својот колега во Македонија за време на нивната средба на 30 јануари.
