Дефинитивно: Бајден против Трамп на изборите во САД
Главните противници на претседателските избори во САД наесен – Џо Бајден и Доналд Трамп го обезбедија потребниот број делегати за официјално да бидат номинирани за претседателски кандидати, пренесоа светските агенции.
Актуелниот претседател Џо Бајден од Демократската партија победи на партиските прелиминарни избори во државата Џорџија, надминувајќи го потребниот минимален број од 1.968 делегати.
Се очекуваат и резултатите од првичните избори на партијата во сојузните држави Мисисипи, Вашингтон, како и од Северните Маријански Острови и од гласањето на демократите во странствоПрагот од 1.215 делегати го помина и републиканецот и поранешен претседател Доналд Трамп, кој повеќе нема ривал во партијата по повлекувањето на Ники Хејли . Републиканците вчера имаа прелиминарни избори во четири сојузни држави, меѓу кои и Џорџија.
