Дефект на водовод блокираше пат: Свлечиште го отсече селото Татар Елевци од Дебар
Патниот правец кој го поврзува селото Татар Елевци со Дебар во моментов е во прекин поради појава на свлечиште. Според информациите од локалната самоуправа, одронот од земја и дрвја е предизвикан од силно излевање на вода по дефект на главната водоводна цевка која го снабдува резервоарот во овој реон.
На терен се веќе ангажирани екипи кои работат на два фронта: итна санација на пукнатата цевка и расчистување на наносите од коловозот. Општинските власти најавија дека сообраќајот ќе биде воспоставен веднаш по создавање на безбедни услови за движење.
Од Општина Дебар упатија апел до граѓаните за максимална внимателност и препорачаа целосно избегнување на овој патен правец додека трае интервенцијата.
