![Данска го поканува „Северен тек-2“ да отстрани предмет од експлодираниот гасовод](https://novina.mk/wp-content/uploads/2023/03/Image_14068417_40_0-jpg.webp)
Данска го поканува „Северен тек-2“ да отстрани предмет од експлодираниот гасовод
Данска го покани конзорциумот „Северен тек“ да учествува во отстранувањето на цилиндричниот објект откриен во близина на гасоводот „Северен тек-2“, половина година по експлозиите на гасоводот во Балтичкото Море, објави Франс прес.
„Агенцијата за енергетика и предложи на компанијата сопственик Норд стрим-2 да учествува во операцијата“, рече таа синоќа во коминике.
Се уште не е познат датумот на операцијата, не се знае и што одговорила операторската компанија во која мнозински акционер е рускиот концерн Газпром.
Објектот, кој не е идентификуван, но агенцијата вели дека не претставува безбедносна закана, се очекува да биде подигнат со помош на данските одбранбени сили.
Речиси половина година по експлозиите кои ги оштетија двата гасоводи Северен тек, останува непознато кој е одговорен за подводниот напад, иако соседните земји (Германија, Шведска и Данска) водат криминални истраги.
На почетокот на март, Германија соопшти дека истражува брод кој можеби доставувал експлозиви до локацијата, но сè уште не може да донесе заклучоци за сторителите на саботажата.