ДАЛИ ЗНАЕТЕ ЗОШТО ВООПШТО ВО СВЕТОТ СЕ СЛАВИ ПРВИ МАЈ – еве од каде сѐ почна и зошто Амеариканците не го одбележуваат тој датум
Меѓународниот ден на трудот или 1 мај се слави во спомен на стотиците илјади американски работници кои излегоа на улиците на Чикаго на денешен ден во 1886 година барајќи осумчасовен работен ден.
По три дена протести, на 3 мај дојде до пресметка со полицијата кога беа убиени четворица синдикалци. Разгневени од полициската бруталност, група анархисти, предводени од Аугуст Спајс и Алберт Парсонс, ги повикаа работниците да се вооружат и да продолжат со протестите.
Следниот ден, лице чиј идентитет никогаш не е утврден (се верува дека е полициски агент-провокатор) фрли бомба во која загинаа 7 и повреди многу полицајци. Осум анархисти, меѓу кои и Парсонс и Спајс, беа уапсени од градските и државните власти, обвинети за убиство и осудени на смрт.
Додека погребната поворка на Парсон минуваше низ градот, околу 250.000 луѓе беа на улиците на Чикаго за да им оддадат почит и да ја изразат својата солидарност со неправедно погубените работници.
На Првиот конгрес на Втората интернационала, одржан во 1889 година, беше одлучено 1 мај да стане заеднички празник за сите работници во светот. За работниците и синдикалците ширум светот, тој претставува ден на солидарност и борба за подобри работни услови што продолжува и денес.
Денот на трудот во овие региони го доживеа својот полн сјај дури со доаѓањето на комунистичките власти, кога стана еден од централните национални празници.
Големи воени паради се одржауваа и се течеше во знакот на петокраката, чеканот и српот, тробојката на другарот Тито и неговите другари.
Во тој период, Денот на трудот, иронично, станува неработен ден и 1 мај почнува да значи големи прослави со пијалоци и многу скара.
Оние малку повозрасните денеска ќе ви кажат дека тоа бил најсреќниот семеен празник и дека искрено го очекувале. Се обновувала гардеробата, се купувале подароци, присуствувале на претстави и настани.
И така со децении…
Зошто Американците не го слават Први мај?
Иронично, земјата во која симболично се „роди“ 1 мај денеска не го слави овој празник. По Октомвриската револуција, 1 мај стана национален празник на СССР, а потоа и на сите комунистички земји.
Поради овие конотации, несоодветни за капиталистичка држава, за време на бранот на „плашењето на црвениот змеј“, работничките движења на САД се откажаа на 1 мај. Денеска, првиот понеделник во септември во оваа земја се слави како Ден на трудот.
Извор: Блиц.рс
