Дали знаете дека на монетите од 2 евра во Словачка е ликот на браќата Кирил и Методиј?
Словачка лансира комеморативна монета од 2 евра со светите Кирил и Методиј, заштитниците на нацијата, откако победи во жестоката дебата на Советот на министри во Брисел, пренесува АФП, цитирајќи го Министерството за финансии во Братислава.
Европската комисија издаде мислење во кое повика на отстранување на сликите на светците и двојниот крст од проектот за комеморативна монети, по жалбите на некои неименувани земји-членки на еврозоната дека со тоа се нарушува принципот на верска неутралност на симболите на ЕУ.
„Министерството за финансии го поздравува одобрувањето од страна на Советот на ЕУ на јубилејната монета евро со светците и двојниот крст“, се вели во тогаш испратеното соопштение за медиумите.
Првично, властите во Братислава попуштија на барањето на Брисел да се отстранат симболите од проектот за монети, но по силните приговори од религиозните кругови во Словачка, политичарите решија да останат на својата првобитна идеја, истакнува АФП.
Монетите беа издадени следната година по повод 1.150-годишнината од Големата Моравска мисија на Светите браќа.
