ДАЛИ СДСМ СТРАВУВА ОД СВЕДОЧЕЊЕТО НА ГРУБИ? Неговите искази можат да засегнат поранешни високи функционери
Очигледна е паниката во редовите на СДСМ по апсењето на екс вицепремиерот Артан Груби, наведува ВМРО-ДПМНЕ во соопштение и повикува институциите да постапуваат без селективност и без политички притисоци, зашто секој кој го прекршил законот мора да одговара.
„Милионските криминали во Државна лотарија се случувале под покровителство на СДС и ДУИ. Додека се злоупотребувале парите на граѓаните СДС знаеле, молчеле и не реагирале поради коалициски мир со ДУИ, за да не им се распадне коалицијата и да останат ден повеќе на власт. Дали денес нервозата кај Филипче, Заев и СДС доаѓа од можноста вистината да излезе на виделина? Дали во СДС има паника поради евентуалните искази што би можеле да допрат и до поранешни високи функционери на СДС помеѓу кои и Заев, Филипче, Спасовски, Зечевиќ?“, се наведува во соопштението од ВМРО-ДПМНЕ.
Оттаму порачуваат дека времето на неказнивост заврши, Македонија мора да биде држава во која правдата е еднаква за сите.
„Институциите си ја завршија работата и го доведоа Груби пред лицето на правдата. Криминалецот Груби беше во бегство година дена, откако се отвори постапка за негова вина во случајот со Државната лотарија за проневера на државни пари во вредност од над 8 милиони евра“, се додава во соопштението од ВМРО-ДПМНЕ.
.
