Дали сакате газирана вода? Еве како таа влијае на нашето здравје
Дали газираната вода е добра како и обичната вода? Според Роналд Моган, професор на Универзитетот Св. Ендрјус во Шкотска, одговорот е: „ниту блиску“.
„Газираната вода има незначително влијание врз хидратацијата на телото во споредба со обичната вода“, вели овој професор, кој е еден од авторите на студијата од 2016 година, која ги споредувала хидратантните ефекти на различните пијалаци.
Сепак, диететичарот и нутриционист Џен Баум вели дека газираната вода може да биде одличен избор за секој кој не е љубител на обичната вода.
„Претпочитам луѓето да хидрираат со пијалаци во кои уживаат отколку да не пијат доволно течности во текот на денот“, истакнува таа за BuzzFeed.
Дали газираната вода ги оштетува забите?
За жал, кога се во прашање забите, стоматологот Цериса Монкајо има лоша вест. Кога пиете газирана вода, хемиската реакција во вашата уста го претвора јаглеродниот диоксид во јаглеродна киселина, а киселината ја јаде забната глеѓ, објасни тој.
