ДА СЕ БИДЕ САМО АЛБАНЕЦ: На Косово е основано движење за напуштање на исламот
На Косово е основано движење за напуштање на исламот.
„Да се биде само Албанец“ е мотото на движењето за откажување од исламската вера, формирано пред два дена во градот Дечани.
Ова движење го формирале околу 70 луѓе од сите земји со Албанци, кои се собрале во Дечани за да кажат дека „албанската вера е Албанија“.
Весел Лекај, еден од основачите, го кажа своето мислење за декларацијата на ова движење.
„На собирот во петокот, 20 октомври 2023 година, група граѓани во Дечани собраа мислители од регионот и од градовите на Косово. Тие зборуваа за екстремизмот и штетите предизвикани од различни сегменти на исламската вероисповед и српското православие. Едногласна изјава дека од денес не сме муслимани“, рече Лекај.
Според Лекај, косовското општество е задушено од исламскиот екстремизам и дека, според него, тие треба да се отстранат и да се борат против „злото“ од мислата.
„За Албанците верата е албанизмот, затоа што ние мислиме само албански, затоа што пред сѐ сме Албанци, имаше пораки за поддршка од дијаспората и волја да се поддржи иницијативата, католицизмот да се пренесе директно, на неговите рани корени, т.е. во европскиот идентитет и култура“, додаде Лејак.
Лигата на историчари на Косово „Али Хадри“ во Дечани остро реагираше на „Движењето за напуштање на исламската вера“. Според нив, ова е пропаганда против религијата и поттикнување омраза. Велат дека правото на верско уверување е лично.
